منتدي القاهره إبداع


 
الرئيسيةالبوابةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 ماذا يحدث أيام الخطوبة؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
the bidr_fly.see



عدد المساهمات : 12
تاريخ التسجيل : 24/06/2009

مُساهمةموضوع: ماذا يحدث أيام الخطوبة؟   الأربعاء يونيو 24, 2009 7:39 pm

كلنا طبعا عارفين ان فترة الخطوبة هي مجرد فترة اختبار لتأكيد قرار بالاستمرار او عدم الاستمرار

وعارفين كمان ان الشاب بيكون في الفترة دي زيه زي أي راجل اجنبي عنا يعني لا في كلام حب وغزل ولا فيه تبرج-لا يرى منك الا الوجه والكفين- ولا أي حاجة

ولكن للأسف ساعات بيحصل تجاوزات في الخطوبة وبتبدأ من عدم التزام الشاب بالضوابط دي وكمان البنت عليها جزء من المسؤولية انها بتستجيب ليه ومش بتوقفه عند حده في الاول بيكون كلام وممكن يتطور الأمر الى اكبر من ذلك

وعشان كدة الاسلام وضع الضوابط دي لحماية البنت وكما قال الرسول صلى الله عليه وسلم
(اسروا الخطبة واعلنوا النكاح\حديث ضعيف)
يعني حتى ممنوع ان المخطوبة تخرج مع خطيبها بدون محرم

دا من الناحية الشرعية
لكن من ناحية اخرى وهي يمكن تكون مش معروفة عند البعض عشان كده انا هاركز على النقطة دي بس حاولوا تركزوا معايا لأنها نقطة مهمة وخطيرة وهاتريحنا باقي العمر

يقول الله سبحانه وتعالى
(وَاسْتَشْهِدُواْ شَهِيدَيْنِ من رِّجَالِكُمْ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاء أَن تَضِلَّ إْحْدَاهُمَا فَتُذَكِّرَ إِحْدَاهُمَا الأُخْرَى)
والعلماء بيقولوا تعليقا على هذه الآية –او ممكن نعتبرها نوع من الاعجاز العلمي- ان نسبة التركيز عند الرجل بتكون اكتر منها عند المرأة يعني ان الرجل ممكن يتكلم وفي نفس الوقت يفكر لكن المرأة ماتقدرش تفكر وهي بتتكلم او تتكلم وهي بتفكر –سبحان الله ربنا خلقنا كده واكيد لحكمة هو اعلم بيها-

طبعا هاتقولوا ايه علاقة الكلام ده بموضوعنا

العلاقة انه على اساس الحقيقة العلمية السلبقة نقدر نستنتج ان الرجل يستطيع ان يجمع بين الحب والاختبار في آن واحد بمعنى انه ممكن يقعد يقول في كلمات الحب والغزل وفي نفس الوقت هو مركز في كل حركة وكل كلمة بتقوليها او بتعمليها لكن انتي لو تجاوبتي معاه واستسلمتي للكلمات دي هاتنسي كل عيوبة ومش هاتقدري تختبريه وتعرفي هو ينفع يكون زوج للمستقبل او لا وبالتالي هاتبني قرارك على اساس غير واضح وسليم وبعد الزواج هاتكتشفي كمية من العيوب والسلبيات لكن ساعتها مش هتاقدري تعملي حاجة ولا هاتقدري تغيريه الا لو كان هو عنده استعداد للتغيير –ودا نادر طبعا-

الشخص اللي يعمل كده اول عيوبه انه انسان غير ملتزم لأنه لا يعرف حدود الشرع والدين في فترة الخطوبة وممكن كمان يكون بيعمل كده عن تعمد بمعنى انه عارف انه مايستاهلش يكون زوج ليكي وفي نفس الوقت مش عاوز يخسرك فبيحاول يشغلك عن عيوبه ويعلقك بيه اكتر لحد موعد الزفاف

اختي الحبيبة انا كل هدفي من الموضوع الطويل والعريض دا اني انبهك لأنها بجد مسألة خطيرة جدا وانتي مش هاتعيشي معاه لوحدك لأ دا انتي بتدخلي لعيلتك فرد جديد وبتكوني انتي كمان فرد جديد من عيلته دا غير الاولاد اللي هاييجوا في المستقبل لازم تختاري لهم اب يكون قدوة ليهم ويفتخروا بيه ويحترموه وعشان كده لازم يكون اختيارك دقيق وخدي وقت كافي للاختبار واتحكمي في عواطفك في الفترة البسيطة دي –وطبعا لا تزيد عن سنة ولا تقل عن شهرين مثلا- عشان ترتاحي باقي عمرك وتريحي كل اللي حواليكي (قصدي تريحي عيلتك من مشاكلك مع الزوج) وبعد الزواج ابقي حبي فيه زي ما انتي عاوزة ياستي ماحدش هايقدر يكلمك

وتنبيه تاني ابعدي تماما عن المكالمات الهاتفية -مكالمات آخر الليل -او الشات لأنك مش هاتقدري تعرفيه الا بالمقابلة وجها لوجه لأن لغة الجسد مهمة جدا في معرفة شخصية الانسان اللي قدامك ولغة الجسد هي تعبيرات الوجه وخركة اليدين وطريقته في الجلوس كلها عوامل مساعدة في كشف الشخصية كمان المكالمات الهاتفية او عن طريق الانتر نت ممكن تخليه اكثر جرأة على قول اي كلام او اسئلة تغضب الله عز وجل

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماذا يحدث أيام الخطوبة؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي القاهره إبداع :: قسم شبابيات :: المقبلين علي الزواج-
انتقل الى: