منتدي القاهره إبداع


 
الرئيسيةالبوابةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 نصائح للشباب اللى بيفكروا يخطبوا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
the bidr_fly.see



عدد المساهمات : 12
تاريخ التسجيل : 24/06/2009

مُساهمةموضوع: نصائح للشباب اللى بيفكروا يخطبوا   الأحد أغسطس 02, 2009 3:50 pm

بعض النصائح للرجل ليكسب قلب حبيبته


البنت دى مخلوق ضعيف خليك حنين عليها واوعى تقسي عليها ..حتلاقيها بتعمل المستحيل علشان ترضيك ..

2- لو فضلت تسئل مراتك كل شوية انتى عاوزة اية ... يبقي لازم تستحمل بقي اللي حيجرالك بعدين

3- الست مش محتاجة منك غير عطف وحب و حنية .. وانها تحس انه مستقبلها حيكون كويس وهيا معاك

4- * أعظم من عضلات الرجل .. أعظم من ذكائه .. ضعفه وحنانه مع زوجته !.

5- اوعى تبوخ او تقلل من قيمة مراتك ادام اهلها او اهلك لانك بكدة بتخليها تكرهك طول العمر

6- مش معنى انك لو طلعت منك كلمة وحشة او غلط في حق حبيبتك وهيا سكتت يبقي هيا عديتهالك....انسي ..دى بتحوشهوملك علشان تيجى في الوقت المناسب وتطلعهم على جتتك كلهم مرة واحدة وتقولك فاكر لما قولت عليا من 5 سنين كذا وكذا وكذا ...اوعى تفتكر انهم بيطنشوا او بينسوا زينا ...ههههههه

7- حسسها دايما انك احسن حاجة اختارتها بارادتها

8- خليها تحلف بوجودك اودام نفسها قبل ميكون اودام اى حد

9- اقف جنبها وساعدها من غير ماتقولك لانها مش حتشتكى

10- لو زعلتوا تعالي على نفسك مرة اتنين ..حتلاقي نفسك بتكسب قلبها اللي حيكون احن عليك من نفسك ومن الناس دى كلها

11- البنت مش بتحب الشاب اللي بيقعد طول الوقت يحور ويحكيلها على بطولاته يقولها انا امبارح لسة ماسك 9 عاجنهم وهو يكون امبارح لسة متقلب

12- لازم تاخد بالك وانت معاها من ادق التفاصيل ..يعنى لو غيرت لون المونيكير تقولها اللون ده جامد عليكى

13-حاول تدلعها قدام اصحابها هما بيحبوا كدة بيتفشخروا بعيد عنك ادام بعض

14- البنت متحبش الولد اللى بيتكسف عارف ليه؟ لان البنت بطبيعتها عايزه تسمع احلى كلام فى الدنيا ولو الولد اللى هى تعرفه او هاتعرفه بعدين بيتكسف يبقى ياعينى مين بقى اللى هايقولها الكلام اللى زى العسل ده ....البواب؟؟؟؟

15-نصيحه للى مرتبطين .... لو عايز تحافظ على حبيبتك اللى ملكش غيرها حاول بقدر الامكان انك فى اى لحظه غضب بلاش تتطلع من بقك اى لفظ مش تمام سواء ليها او لحد تانى وبلاش برده العصبيه والصوت العالى الا طبعا اذا كانت هى غلطت يبقى لازم تفهمها الصح بس باسلوب لذيذ فيه عقل وجمود فى نفس الوقت
عارف ليه انا قلت الكلام ده؟؟ عشان البنت بتحب الهدوء والرومانسيه وتكره الصوت العالى

16-مفيش احسن من الاحترام ....لازم تكون نحترم معاها او حتى مع اللى قريبين ليها عشان الاحترام بيخلى البنت تحس من جواها انك عاقل وكبير بس مش فى السن لا فى لاروح والوجدان والاحساس والمشاعر والحب وساعتها هى هاتعرف انك اللى هاتحافظ عليها

17-مش من الرجولة وانتوا متجوزين ..في العلاقة الزوجية تبقي انانى و بتهتم بمتعتك انت وبس ومش مهم هيا ولا مهم تقدر مشاعرها واحاسيسها

18-شوف ايه اللى هى بتحبه واعمله وشوف ايه اللى بيضايقها وبلاش تعمله بس بمزاجك انت مش بمزاجها هى يعنى فهمها انك بتعمل كده عشان انت كويس ومش بتعمل كده عشان انك خايف تروح منك او تبص لحد تانى اوكى؟ لان البنت تموت فى الولد اللى يوصل لدماغها ويترجمها للغه الحب

19- شخصيتك......دى بقى اهم حاجه ممكن تشد البنت ليك ....والشخصيه هنا مش معناها ضرب وقله ادب وتأمر وبس كده لا لا لا لا مش كده خالص
الشخصيه هى انك ليك دماغ عارف هى رايحه فين وجايه منين وامتى تستعملها وامتى برده تركنها !!!

20- بلاش تظهر نفسك بطريقه ساذجه يعنى بلاش تعمل حركات مش اللى هيا
لان فى ناس الصراحه عشان تخلى البنت تاخد بالها منه يعمل اى حاجه وزى ما تيجى تيجى وطبعا دى تفاهه ... ومن رايى انك تسيبها كده ولازم فى يوم هاتتكلم معاها او هى تاخد بالها منك وده طبعا بيكون فى حاجات قبليه يعنى هى مش هاتبصلك من الباب للطاق كده !!! يعنى حاول توصلها انها فى دماغك بس بطريقه تعجبها


21-لما بتكونوا فعلا بتحبوا ومرتبطين . مسك اليدين بمناسبة أو بدون مناسبة .الحركة دى بتحسس البنات بالإطمئنان والراحة.

22- ابعد لها خصلات شعرها التي وقعت على وجهها. بتديلها انطباع تام بالإهتمام والعناية

23- مسح دموعها بأطراف اصابعك اذا تسبب لها أي شيء من البكاء.بتحسسها بحنــــان لابعد درجة

24-ان تقول لها كلمة (أحبك ) حتى وهي غاضبة تسيطر على تفكيرها وتبادلك الشعور وأحيانا ترد لك الكلمة

25-أن تقبل يديها وتعتبرها نعمة من الله وقل لها انك تشكر الله على أنه اهداك اياها..تشعر المرأة عندها انها مميزة ولا احد ينافسها في قلب الرجل

26-طبعا اهم حاجة فى الانسان الصدق والصراحة لان لو اللى قدامك عرف انك كداب بالطبع مش هيحبك

27- لو بتحبوا بعض جدا ومخطوبين ..اوعى تبتدى حياتك بمعصية او حاجة غلط ولو بوسة بسيطة قبل الجواز ... اتقي ربنا فيها حتلاقي ربنا بيباركلك في جوازتك طول حياتك

28- خليك انيق فى ملابسك فى تسريحة شعرك نوع البرفاة اللى بتستعملة فى كل حاجة لازم تكون انيق

29- متفاهم مع الاخرين واحترام الرئى الصحيح مهما كان مش مناسب معاك وتفهم الامور صح وتفكر كذا مرة قبل الرد

30- خليك زوق فى كلامك واختيار الافاظ اللى بتتكلم بيها
زوق لما يكون فى مناسبة طبعا عارف هتمل اية يا جميل
زوق فى المعاملة مع الناس كلها

31- لازم تحس باللى قدامك حتى من غير ما يقول تفهمة من نظراتة من تصرفاتة من كلامة وتحسسة انك لية وبس ومفيش غيرك فى حياتة وطبعا دة المفروق ميكونش كلام وبس

32-لازم طبعا تغير على اللى بتحبة بس مش غيرة عمياء ولازم فى نفس الوقت تكون عندك ثقة فى اللى بتحبة

33- تكون بتحب الهزار والضحك يعنى مش كل كلامك كلام عادى ومخلى الحياة كلها اوامر ونكد فى نكد شوية كدة وشوية كدة علشان الحياة تمشى

34-عندما تعجب الفتاة بالشاب لا تتوقف عن لمس يديه وهى تتحدث

35- اوعى تقول للبنت ان وزنها زاد

36- البنت دايما بتحب الشاب اللي يجمع بين قوة الشخصية وخفة الدم حل بقي المعادلة دى

37- البنات اساسا بطبيعتهم بيعشقوا المجاملة
38- البنت دايما بتحب انك تلاحظ اي تغيير في شكلها هيا بتعملة ..ابقي خد بالك

39-البنت تغفر لمن تحب مرة واحدة.

40- تكره الشاب الذى يستخدم ألفاظ خارجة .

41- البنت حتكرهك اوى لو بتكلم الناس الموجودين معاك في الاوضة وانت بتكلمها في التلفون

42- اوعى تنتقد لبسها لو كان بلدى او ذوقة مش حلو

43- البنات بتتكلم كتير عن الشاب اللي بتحبة .. ابسط ياعم حيتسيحلك ادام كل صحباتها ..

44- الفتاة يمكن أن تحب شخصا واحدا , لكنها تعجب بألف .


45- لو كنتوا مرتبطين ماتفتحش شنطتها حتقول عنك كلام مش حلو في سرها


46-- إذا جرحت مشاعر أى فتاة فعليك نسيان ان تعود إليك مره أخرى .

47- البنت تكره الولد الذى لا يفى بوعوده .

48- تكره الولد الذى يتعمد لمسها .

49- تكره الولد الضعيف والجبان .


50-جيب للبنت بتاعتك ورد بمناسبة ومن غير مناسبة

51- لما تسئلك ..اوعى تكون بتجاوب عن الأسئلة بوضوح زيادة أوي أو منطقي أوي كأنك بتفكر كتير أوي في الأجابة قبل ما تقولها . مع البنت

معناها : خايف أن اللي قدامك ما يقبلكش الا لو أنت أقنعته كويس .ودة حيخلي البنت تحس انك مهزوز ومش واثق في نفسك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bidr_fly.see



عدد المساهمات : 12
تاريخ التسجيل : 24/06/2009

مُساهمةموضوع: رد: نصائح للشباب اللى بيفكروا يخطبوا   الأحد أغسطس 02, 2009 3:55 pm

[size=16]البنت بتحب الولد اللى ........
أولا : البنت بتحب الولد التقيل
خلى دمك تقيل عليها
سوق الرخامه عليها سوق التلامه والغلاسه ولو ما بتعرفش
تسوق طلع رخصه..... مطلعتش....اضرب رخصه

ثانيا : البنت بتحب الولد الغنى
اسرق .... انهب ..... اعمل اى حاجه عشان يبقى عندك فلوس
فلوس كتير... كتير اوى اوى اوى كمان
مش ضرورى حلال يستحب انها
تكون كمان حرام عشان تحس ان انت كريم عبد العزيز فى حرميه كيجى2 ولو
ما عندكش فلوس .......وفاشل يا فاشل
استهبل ارسم عليها انك غنى
اشتغلها.. هو انت يعنى لاقى شغل يا فاشل اشتغلها
واعملها شغلانتك
.
ثالثا : البنت بتحب الولد الى ماتفهموش
خليك متخلف فى اسلوبك وطريقتك
معاها خليك اهبل فى كلامك
ماتديهاش كلمه
مفيده ابدا تفهمها منك وان فهمت كلمه منك
ارجع قولها عكسها خليها تتهبل ولا تفهمش حاجه خالص

رابعا : البنت بتحب الولد الكداب .
افتح عليها علب احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار الناس
وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين.

خامسا :البنت بتحب الولد الحبوب المحبوب
استخف نفسك وخليك كده فريش طول الوقت وغلس على كل خلق الله
وهزر فى اى وقت وبداعى ومن غير حسسها ان كل الناس بتحبك تهزر معاهم
.
سادسا : البنت بتحب الولد الى مش راجل
خليك ناعم كده وبسكوته وحساس اوى خالص جدا موت عالاخر ياى حس شويه

سابعا :البنت بتحب الولد الى يفهمها انها احلى بنت
اوصفلها فى جمالها واحكيلها قد ايه هى فاتنه
وحلاوتها مدوباك ومسهراك يا حبه عين امك
وان هى الوحيده فى العالم الى حلوه وهى بس الى يتبصلها
لان البنت لازم تحس انها احلى واحده لان ماعندهاش عقل يفهم
ان ربنا فضل الناس على بعض فى خلقها واشكاله
ا.
ثامنا : البنت تموت فى الولد الى شكله معتوه
البس لبس غبى ....لازم تسقط البنطلون ولازم كل الناس تشوف هدومك الداخليه
البس تيشيرتات مرسوم عليها فران وكلاب وحمير
البس جزم حمرا وكوتشات خضرا وخليك بلياتشو
حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون
طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول
لو عمر دياب مره حلق حواجبه اوع تتردد اديها حواجب قرعه
علطول.

تاسعا : البنت بتحب الولد التافه
اتكلم ع التمثيليات وبرامج التليفزيون والاغانى الجديده
والفيديو كليبات و والمطربات والمطربين وخد بالك من النقطه الجايه دى بقى
اقنعها ان انت صوتك حلو وبتغنى وقريب هيكتشفو
موهبتك وهيخلوك تغنى فى برنامج مواقف وطرائف الحيوانات

عاشرا : البنت تحب الولد الى بيحب غيرها.
عمرك سمعت عن بنت حبت واحد بيحبها لاء
طيب خد النصيحه دى.. اهم نصيحه وسر نجاح اى علاقه باى بنت
البنت ماتحبش اى واحد يحبها.. وتحب اى واحد تكون هى ولا على
باله ..طنشها واركنها ولا تحسسها انها بنى ادمه
واهم حاجه الكلام
اللى فات ده كله شرط انك تعمله مع
اكتر من بنت ويستحب
يكونو خمس بنات او من مضاعفات العدد خمسه
لان ده الرقم الى بيمنع الحسد والنقص فى البنات .
اوع تكون هى الوحيده فى حياتك ولو مش لاقى بنات تانيه غيرها
اتصرف...
صاحب اى شغاله ولا اى بياعه خضار
ولا اى شحاته
((نوع كده وخليك واد كووووووول))
النتيـــــــــــجــة
هتعلق نص بنات مصر والنص التانى هيعلقو واحد تانى قرا
نفس التوبيك ولو
أنت و هو اتفقتو سوا ممكن تبقو تبادلومع بعض النص بتاعك
والنص بتاعه لو كل واحد اتخنق من النص بتاعه
طبعا هتسأل وباقى شبان مصر
يابنى دول خلاص ندهتهم النداهه كلهم كمنشات ومعظمهم مضحوك عليه
وعايش فى وهم معيشاه فى حبيبته


[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح للشباب اللى بيفكروا يخطبوا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي القاهره إبداع :: قسم شبابيات :: المقبلين علي الزواج-
انتقل الى: