منتدي القاهره إبداع


 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 أسئلة و أجوبة مضحكة جدا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 2:28 pm

ليه القطر بيقف قدام الصيدلية؟............عشان يعاكس القطرة


عدل سابقا من قبل the bird_fly.see في الخميس مايو 14, 2009 2:32 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 2:29 pm

ليه النمر بيجري ورا العربية؟.............عشان يشوف النمرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 2:34 pm

ليه الفراعنة حاطين فى الهرم حديدة من فوق؟
عشان يرفعوه بيها وينضفوا تحتيه
لما الفراعنة بيعملوا حادثة بيقولوا ايه؟
يا ساتر يا رع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 2:36 pm

مهندس كان واقف في الصحراء والدنيا حر قوي وعايز أي حاجه تداري الشمس عنه ومش معاه غير( ده) يعمل إيه؟؟؟

ياخد sin(ده) / cos(ده) يطلعله تانده (Tan DA) يقعد تحتها


عدل سابقا من قبل the bird_fly.see في الخميس مايو 14, 2009 2:45 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 2:42 pm

مهندس كمبيوتر، حلل دمه، طلعت فصيلته ايه؟

.......... Hp
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 2:53 pm

اللهم أنقذنا من نفسية الز ملاء.. وغباء الأصدقاء اللهم ارحمنا من استبياع الجيل الجديد.. وحرائق السكة الحديد واستقصاد كل مدير.. وندالة القرايب الصغير منهم والكبير اللهم أغثنا من كل عميل .. ومن فواتير موبينيل اللهم أرحمنا من تشريفة عربيات المسئولين , وزحمة الشوارع في كل حين وسحب الرخص في كل كمين.. من الغلبان مش م المتين اللهم أهدى لنا سواقين الميكروباص والمدير البصباص اللهم ارحمنا من الشئون القانونية وشئون العاملين واللي بيقفوا فـ وسط الشارع فجأة وبدون إشارة يمين اللهم قنا شر الكليبات.. وشر شلل البنات.. ولؤم الستات وغباوة الحموات والمينيمم تشارج كافيهات.. وهيافة الصحف والمجلات وقطع الحرارة فجأة عن التليفونات وقت الزنقات والمدارس اللي بتطلب تبرعات بالألافات ووقــــوع السيــرفـــر وقفلـــة السايتـــات اللهم ارفع مستوى الزمالك .. لمستوى انبى والحدود.. أو حتى مستوى أسمنت أسيوط أو أرسل يارب عليهم صاعقة.. بدل ما يخلونا نموت ... اللهم سدد أقساطنا .. وضلل عنا مآمير الضرايب اللهم ارزق جيل الوسط عقود عمل في ليبيا وقطر اللهم افتح لجيلنا القديم الطريق الفسيح حتى ننظف انتخابات البلد من لعبة المراجيح اللهم ارحمنا من الاكتئاب مرض العصر والشباب واحمي يارب سماء مصر من سحابة الهباب واكفنا شر صاحب الدقن الكداب وصاحب التصريحات النصاب اللهم ارزق كل بنت بعريس هدية.. وكل شاب بوظيفة وشقة وعربية اللهم أحرق الـ 0900 واضرب الحرامية بالحرامية ونجح أي طالب في أي كلية حتى ولو كان في التربية الموسيقية آآميين آآآمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:00 pm

رسالة من جوزة الي جوزها
دا جواب من جوزة الي جوزها ورد من جوز الي جوزته برضه مسيركم ها تتجوزا في يوم من الايام اهو تتعلموا كلمتين تقول الجوزة جوزى الغالى....ابو عيالى...والغايب عن عينى ليالى.. واللى انا على حالو مشندل...والمسجون فى لمان ابو زعبل. عمرى فى يوم يا جميل ما انساك .....وكيف انساك وانت مخرشم قلبى هواك. يااللى بطحت جماجم قلبى بالقبقاب.....يااللى القلب فى حبك داب. كل ما ينوح على الشجرة غراب....اقول يا فقرى ...بتفكرنى بصوت الاحباب. لما خدوك من البيت ومشيت انا اتغمت......كان نفسى اعملك فول بالزيت. املى فى رب القدرة تعود.....هو المش بينفع من ابدا غير دود. نرجع تانى نجرى ونلعب زى زمان ....يا نبع حنان....يا سبع......يا صقر....يا نسر....يا ابو قردان. والله وحشنى يا ابن الناس....نرجع نلعب تانى صلح...وتضربنى على رأسى بالفاس. اه يا حبوب...حبك خرشم قلبى...دعكو بالمركوب. احدفنى يا غزال بورده..مش هتلاقى احدف بصله..مش هتلاقى ايس واحدف قالب طوب. اه يا منايا...انت الروح الى جوايا...ام قويق الى بتحوم على طول فى سمايا. ما تقلقشى انا حلة وانت غطايا. بعتالك حلة سلامات.....ومعاها طشتين جوابات... واخيرا الله يرعاك امضاء سوزى هذا هو رد الجوز عليها الجوزة المصونة.....والجوهرة المكنونة. يا شجرة ....يا فلة....يا ورده ....يا ضلة.....يا ريحة الجلة. وصلنى منك احلى جواب...يا عود لبلاب....يا كوز عناب...نعمه الجوزة....واحد راجل من غير شناب. يا جمالك سبحان من صور....قلبى فى حبك واخد بشلة وخلاص اتعود. يا قمر منور ...يا رغيف مدور....يا قرد مصور.... لو ينفع نكتب حكايتنا لاهل السيما...يا فرسه....يا مهره....يا احلى بهيمه. ايه اخبار البت ستوته ...وايه اخبار الواد سفروت.. صحيح الغربه تعبانى شويه...بس الجسم ارتاح من البرغوت. ماكنتش اعرف ان الاهل على عزاز...لما اسيبك زى ما اكون حفيان وبدوس على كسر ازاز. صورتك دايما جوه فى عينى....عامله فى شعرك ديل معزايه وحطه فى راسك رتلين جاز. يا شجرة دوم....يا نعيم بيدوم......يا ريحة الثوم. باعتلك مقطفين سلامات.... ومعاهم شوالين جوابات.... واخيرا الله يرعاكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:04 pm

رساله غراميه من مهندس
السلام عليكم ورحمه الله وبركاته اليوم اقدم لكم رساله غراميه من مهندس تحية وأشواق كهرومغناطيسيه أبعثها لك بشحنة كهربائيّة مع مرور تيار كهربائي سالب في المكثفة اليسرى من قلبي معتمنياتي الإلكترونيّة بأن تصلك رسالتي بكامل حالات الشدة والمقاومة الكهربائيّةآملاً أن تكون درجة حرارتك منخفضة وضغطك الجوي نظامي أبعث إليك أخر التهاني الفراغية و أشواقي التحليلية ببراهين هندسية شكلها مستطيل و حَلها مستحيل .. حديدتي .. نحاسي .. قصديرتي يا وتر حياتي أتذكرين عندما جلسنا نستمتع بالشعاع الوارد عندما قلت لكِ بأني لا أزال أصر على أن التواجد في القبر أسهل من درس الجبر، وأن كتاب الهندسة جعل في رأسي هلوسة، وأن الضرب بالقدوم أسهل من درس التوقيع غاز ثاني أكسيد الكربون الملقب بــ سي او تو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:06 pm

امتحان فيزياء
اتفرج على امتحان الثانوية العامة فى مادة الفيزياء سنة 3002 الوزارة غير مسئولة عن اى اسئلة خارج المنهج علما بان جميع الاسئلة لاتقع فى المنهج (تقع على الارض فقط) يعنى ملناش دعوة يا معلمين. اجب عن 375 سؤال فقط من الاسئلة الاتية واللى مش فاضى يروح.. السؤال الاول :-اجبارى اختار الاجابة الصحيحة مما يأتى. أ) اقلب الادرةعلى فمها تطلع البنت ......(لستها -ابوها - خالها -امها). ب) ياترى المسئول عن تفجيرات 11 سبتمبر (بن لادن - بن رشد- بونبون سيما- جميع ماسبق) مع التعليل. السؤال التانى:اجبارى قارن بين. أ)الخنفسة والعنكبوت من حيث قوة العضة. ب)الموتوسيكل والتريسكل والفيسبة. ج)العبيط والأعبط منه. د)التأثير الحلزونى والتأثير الحلقى. السؤال الثالث. طائرة بدون محرك تطير على ارتفاع 3م\س فوق البحر الاصفر فى كوالالامبور (بعد المغرب)علما بان سرعة الهواء 5م\س وقعت فى الماء عمق الترعة 30 متر وكثافة الماء 1000كم3\سم3. اوجد: اسم والدة الطيار. الوجبة المقدمة على متن الطائرة قبل الهبوط. عدد الركاب المزوغين من الكمسرى. اسم وزير النقل والمواصلات فى كوالالامبور الحالى وسنه وعنوانه . السوال الرابع: علل لما ياتى . ا) وما تعليقك عدم صبغ نانسى عجرم شعرها باللون الاصفر فى الكليب الاخير. ب) استخدام الاديب العالمى زكى حلمبوحة للمبة الجاز فى روايتة الاخيرة غرام بالمرزبة. السؤال الخامس : ارسم بالتفصيل خارطة الطريق بالطريقة الاميريكية مع مراعاة الاسهم والمطبات الصناعية وتوضيح اشارات المرور. باقى الاسئلة فى الدور الثانى على ايدك الشمال وانت داخل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:19 pm

الأمثال الحديثة
الامثال االحديثه اللى بيته من إزاز ميغيرش هدومه فى الصالون ...........فاقد الشىء يدور عليه......... اقلب القدره على فومها الفول يقع منها............ تأتى الرياح محمله بالأتربة. ياخبرالنهارده بفلوس بكره ينزل عليه أوكازيون ...........اللى معاه قرش محيره يجيب حمام ويحمره ...........جت الحزينه تفرح شغلت شريط حكيم وقعدت ترقص ...........قال يامحشحشين يكفيكوا شر الكمين....... اللى ياكل لوحده يشبع .لاتبكى على اللبن فى البسكوت. اقطع عرق و حته بتلو. اطبخى ياجاريه الأنبوبه فاضيه يا سيدى. لو حبيبك عسل ما تحطلوش طحينة.... اللى يتلسع من الشوربه يتصل بالمطافى... وبكره ترجع من عند خلتها فى مارينا. ياداخل بين البصله وقشرتها حط قطرة علشان هادمع من ريحتها....... اصوم اصوم وافطر على المدفع. القرش الأبيض بيعوم فى البحر الأحمر. ضربوا الأعور على عينه قالهم كسرتوا النضاره. اللى ميشفش من الغربال يكشف نظر. المال السايب يعلم الطلبه. نام وارتاح وكل عسل نحل التمساح ...من خرج من داره مينساش يأخد المفتاح معاه. الباب اللى يجيجلك منه الريح شيله وركب قبنورى. المضطر يركب التاكسى. رب صدفة خير من ألف ليلة و ليلة. اللى يخاف من العفريت يعمل عبيط. المركب اللى فيها رايسين يلعبوا طاولة. اللى خدتوا الأرعه تخدو ام الخلول what .اللى ميعرفش يقول أكل العيش يحب الطعميه lenses العين عليها. قالوا للحرامى أحلف قالهم وحياة قلبى وأفراحوا.( أمثــــــال عربيــــات النقــــل) متبصليش بعين رضيه دنا طلع عين أمى فى السعوديه. ربنا يحميكى من الميكانيكى .الحلوة أسمها تفاحة للسفر والسياحة. الحلوة من حلوان وصاحبها راجل غلبان. الحلوة من دمياط وعليها أقساط. قصه كفاح مش جايه على المرتاح. متزمروش يا بهايم دا السواق نايم. اجرى جري الوحوش اوتوبيس 710 ماتلحقوش .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:24 pm

الجدول اليومي للصرصور
الجدول اليومي للصرصور . . . . 1. الاستيقاظ من النوم في دورة المياة ( مع بعض الروائح العطرة ) بالنسبة للصرصور . 2. القيام بالتمرينات الصباحية المعتادة وذلك بالخروج امام صاحب الغرفة والتفنن في الهروب من النعلة أو الجزمة. 3. قضاء فترة القيلولة خلف الدولاب الكبير لغرفة النوم ، لأنه يستحيل على صاحب الشقة ازاحة هذا الدولاب . 4. مناداة الاصحاب في فترة ذهاب صاحب الشقة . 5. تقديم الوليمة للضيوف في المطبخ ، وذلك على باقي الاواني والاكل الموجود من عدة اسابيع . 6. الرقص على مخلفات المعلبات والاجبان الموجودة خارج الثلاجة . تحذيرات يجب اخذها بعين الاعتبار لمجتمع الصراصير : 1. عدم استفزاز صاحب الشقة واجباره على استخدام ( ريد ) او ( بف باف ) 2. عدم الترزز دائماً امام صاحب الشقة لكي لا يقرف ويتخذ طرق غير سليمة في الهجوم. 3. عدم احراج صاحب الشقة بالخروج امامه في حضور ضيوفه . 4. اذا رأيت صاحب الشقة يلاحقك ، فأعكس الخطة ولاحقة انت ، لأنه حتماً سيهرب . 5. عدم القيام بأي تمرينات صباحية في حالة وجود اكثر من شخص في الشقة ، وإلا سيكون رقم مقاس النعلة هو آخر شئ تراه في حياتك اشياء تجعل الصرصور يموت من الضحك: 1 - الدوران على كرسي فوقة امرأة تصرخ خوفاً من الصرصور . 2 - الهروب من شخص في يده نعله على سطح املس غارق بالماء ولصابون . 3 - استخدام معطر الهواء بالخطأ بدل ريد او بف باف. 4 - عندما يغلق شخص، باب دورة المياة ، ويجد الصرصور أمامه ملتصق على الباب . 5 - عندما يحاول ( احول ) اصطياد الصرصور بالنعله هاتيجى فى مراته.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:29 pm

الشات ايام الجاهلية
ابا جهل : هاي يا ابا لهب ...... ابا لهب : هاي يا ابا جهل .. كيف حالك هذا المساء ؟ ابا جهل : اين انت يا ابا لهب لا اراك في "شات ابن ابى سلول" هذه الايام ؟!!! ابا لهب : انا لم ابرح خيمتي منذ ايام يا مان .. ابا جهل : ولماذا ؟ ابا لهب : تبا لكمبيوتري دخله فيروس من النوع الحبشي وضرب اللوحة الام مع اني وضعت له مقاوم للفيروسات الحبشية وده انا مسطب انتي حبشي .. ولكن تبا لهذا المقاوم ... فقمت بتغيرها من عند وكالة (( مسيلمة الكذاب )) ... ابا جهل : لو اعلمتني لكنت اتيت معك لانني اعرفه فهو من رجال عشيرتنا ابا لهب : ولكن قل لي .. هل سأل عني أحد في " دار عكاظ كوفي نت " ؟ ابا جهل : ثكلتك امك ...ان لك شعبيه كبيره يا ابا لهب . ..سألت عنك عبسه بنت جرير .. وجدناها اتت ببعيرها وتقول بانها قلقه عليك لانك لم تفتح "الماسنجر " منذ اسبوعين ابا لهب : عبسه بنت جرير تلك الفتاه الشمطاء ..تباً لها ..انني اكرهها .. قل لهم سأكون " اون لاين "..بعد ما انتهي من الورشة لان بها فرسي واعمل لها ( تشييك اب ) .. وغيار الزيت .. و كيف حال ابنك جهل يا ابا جهل ؟ ابا جهل :اااه يا ابا لهب أكاد أجن منه , البارحة اخذ فرسي خلسة و راح يفحط فيه . .. كاد ان يرتكب حادث فظيع لقد كان يسير علي 120 كيلو متر بالساعة ، كما ان بعض الرجال قالوا لي انه استغل ان الفرس معمله فاميه وعمال يركب فيه بنات ... و لكن ماذا سنفعل انه مجرد ولد طائش .. وانت ما اخبار لهب معك ؟ ابا لهب : لقد ارسلته الى الجيش لكي يؤدي الخدمه العسكرية و ووضعنا له واسطة لكي يكون بالقرب من خيمتنا ... و اختصاصه الرماح طويلة المدى بالاضافة الي صناعة سن السيف النووري وهو خبير في هذا المجال ابا جهل :حسناً حسناً يا صديقي .. استاذنك لاني سأذهب لأرد على الموبايل ابا لهب : تشاو يا ابا جهل ... ابا جهل :قشطة يامان ماتقطعش الرسل بيننا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:41 pm

مية مثل شعبى
الإبرة إللى فيها خيطين ماتخيطش تعليق / المثل قريب من المركب اللى فيها ريسين تغرق 2- إرميه البحر يطلع فى بقه سمكة 3-إللى عاوز تحيره خيره 4- إللى قرصه الثعبان يخاف من الحبل 5-إللى يربط فى رقبته حبل ألف من يسحبه ( يجره ) 6- إدينى عمر وارمينى البحر 7- إش ياخد الريح.ن البلاط 8- إللى على راسه بطحة يحسس عليها 9- ابعد عن الشر وغنى له 10- الكتكوت الفصيح من البيضة يصيح 11- إللى حبه ربه واختاره جاب له حاجته لعند داره 12- قيراط ملك ولا فدان شرك 13- قال يا جحا فين بلدك قال إللى فيها مراتى ومفيهاش حماتى 14- إمشى عدل يحتار عدوك فيك وإمشى عوج يحتار صديقك فيك 15- مش كل مرة تسلم الجرة 16- لف سنة ولا تخطى قنا 17- يخاف من الخنفسة ويلعب بالثعبان 18- كل ما يعجبك والبس ما يعجب الناس 19- يادى الشيلة يادى الحطة روحت على جمل وجيت على قطة تعليق / مثل من قبيل التهكم 20-اللوح قال للمسمار إنت فلقتنى , قال المسمار لو كنت تعرف الدق إللى فوق دماغى كنت عذرتنى 21- خد الأصيلة ولو كانت على الحصيرة 22- ما يغرك رخصه هاترمى نصه 23- خنفسة شافت ولادها ع الحيط قالت دا لولى ملضوم فى خيط 24- زى المش كل ساعة بوش 25- الغايب مالوش نايب 26-الفاضى يعمل قاضى 27- بصلة المحب خروف 28- الحلو ما يكملش 29- جه يكحلها عماها 30- طول مابن آدم حَىّ رزقه جَىّ 31-مطرح ما ترسى دق لها 32- الضمانة أولها شهامة وآخرها غرامة 33- قول فى وشه ولا تغشه 34- إللى ملوش خير فى أهله ملوش خير فى الناس 35-الرجل تدب مطرح ما تحب 36- الصيت ولا الغنى 37- العبد فى التفكير والرب فى التدبير 38- العرق يمد لسابع جد 39- العين بصيرة والايد قصيرة 40- بيع الجمال واشترى خفة الجمال كتيير بس الخفيف صدفة 41- وقت القصعة نبقى تسعة ووقت الحاجة نبقى وحادى 42- إللى من دمى ما يخلى من همى 43- إللى يسعدها زمانها تجييب بناتها قبل صبيانها 44- إكنس بيتك ورشه ما تعرف مين يخشه 45-المال السايب يعلم السرقة 46- ابن الوز عوام 47- باب النجار مخلع 48- حبيبك يمضغ لك الزلطوعدوك يتمنى لك الغلط العروسة للعريس والجرى للمتاعيس 49- إن عيط ابنك عيط معه ما تعرف إللى بيوجعه 50- إن خوفت ما تقولش وإن قولت ما تخافش 51- إللى يخاف من العرسة ما يربيش كتاكيت 52- إللى يبيع يغتنى سنة واللى يشترى يفتقر سنة 53- قالوا للكاتب استريح قام وقف تعليق / أى إن الراحة تكون حسب أحوال الشخص 54-إللى يعمل إيده مغرفه يصبر على ضرب الحلل 55- قال له نام لما ادبحك قاله دا شئ يطير النوم 56- إن اصطلح القط والفار خرب دكان البقال 57- من كتر خطابها بارت 58- طمعنجى بنا له بيت فلسنجى سكن له فيه 59- إللى تخاف منه ما يجيش أحسن منه 60- يا قاعدين يكفيكوا شر الجايين 61- إن عشقت اعشق قمر من بره هالله هالله ومن جوه يعلم الله 62- الجواب ينقرى من عنوانه 63- يا واكل قوتى يا ناوى على موتى 64- إللى ما لوش شغله تشغله يفتح الباب ويقفله 65- الله يخليكى يا شدة يا لى بينتى دا من دا 66- عمر العدو ما يبقى حبيب وعمر شجرة التين ما تطرح زبيب 67- يا فاحت البير ومغطيه لا بد من وقوعك فيه 68- أن غاب القط العب يا فار 69- علشان الورد ينسقى العليق 67- كل فوله ولها كيال 68- السلف تلف والرد خسارة 69- البيت بيت ابونا والغرب يطردونا 70- نايم فى المية وخايف من المطر 71- قال يا جحا عد أمواج البحر قال الجايات اكتر من الرايحات 72- الجار جار ولو جار 73- تموت الحداية وعينها فى الصيد 74- بعد العيد ما يتفتلش كحك 75- لا تعايرنى ولا أعايرك دا الهم طايلنى وطايلك 76- إصرف ما فى الجيب يأتيك ما فى الغيب 77- قد النملة ويعمل عملة 78- قليل البخت يلاقى العضم والكرشة 79- إللى يجى فى الريش بقشيش 80- إللى يعمل نفسه ردة تنكشه الفراخ 81- إن كان لك صديق وبدك تبقيه لا تاخد منه ولا تديه 82- البنت ضرة أمها 83- دخانك عمانى وطعامك ما جانى 84- خدوا فالكم من عيالكم 85- لا تذم ولا تشكر إلا بعد سنة وست أشهر 86- إفتكرناك يا ضيف خفيّف , لقيناك يا ضيف تشتى وتصيّف 87- زى الطبل صوت عالى وجوف خالى 88- اللي اختشوا ماتوا 89- تيجي تصيده يصيدك 90- ضربتين في الراس توجع 91- ما شتمك ألا اللي بلغك 92- ما ينوب المخلص إلا تقطيع هدومه 93- ميه من تحت تبن 94- عمر الشقي بقي 95- يسرق الكحل من العين 96- الكدب مالوش رجلين 97- كلمة يا ريت ما تعمر بيت 98- لا منه ولا كفاية شره 99- اللي في الحلة تطلعه المغرفة 100- يشتمني في زفة ويصالحني في عطفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:47 pm

قيس 2007
يا أبشع الحريم يامدمنة برسيم ان شاء الله يفتكرك الكريم وياخذك ونفتك من ذا الوجه اللئيم ياارخص الناس ياوجه النسناس يااردى الأجناس انتي عندك فقر احساس تحمدي ربك لو رضى فيكي واحد من الناس انتي نقطه سوده في حياتي انتي ماتستاهلي حتى كلماتي انتي جمالك مجرد أوهام انتي حشره انهي حياتك بضغطة ابهام لو كنت مضايق و زعلان ماني طايق حتى الكلام اعرفوا اني شفتها في المنام دعيت ربي عشان خاطر عيونك يحرمني نعمة الأحلام لا عاد اشوف وجهك ابو انف زي علامة استفهام وسنون ياعيني عليها كانها من ضحايا حرب فييتنام ولا شعرك اللي مسوي زي عش الحمام والقمل عامل في راسك عمايل مسوي مسلسلات وأفلام لتاتة لسانها تابع لوزارة الاعلام غجريه صورتها عقاب للطفل اللي مو راضي ينام ولا لمن تتكلم يطاير من فمها مذنبات وأجرام تمشي كأنه أحد ماشي وراها لمن تطالع فيها مابتعرف هادا وجهها ولا قفاها اللي يبي يصيبه صداع وغثيان انصحه يجلس معاها قال ايش مسويه دلوعه تشوفها تقول هادي وحده مفجوعه وعامله مكياج وألوان كأنها جنيه باختصار شفتوا البقره الي في اعلان حليب السعوديه لو صبغناها أخضر برضه هي احلى منها شويه يا سلام على الغزل العزرى العفيف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:51 pm

ابليس والحاكم
احد الحكام ايام زمان مع ابليس -------------------------------------------------------------------------------- ¸.•°°·.¸¸.•°°·.¸.•°®️» أحد الحكام ايام زمان لقـى فانـوس سحـري قام دعكـه فطلعلـه منـه ابليـس قاله : شبيـك لبيـك تطلـب ايه؟ قاله الحاكم: بـص بقـى يا عـم ابليـس انا عمـلت فى الشعـب بتاعـي كل حاجـة..قوللي بقى علـى حاجـة جديـدة اعملـها ابليس قاله: بس كـده..بسيطـة..هـات ودنـك..وش وش وش وش وش قام الحاكم قاله: ايه ياعـم لعـب العيـال ده..ده كـلام برضـه ؟ قام ابليس قاله: بـلاش دي..هـات ودنـك...وش وش وش وش وش قام الحاكم قاله: إيه يا عـم ده ...انـت شكـلك ابليـس نص كـمّ ولاّ ايه ؟ ابليس قاله : معقـول الفكـرة دي مـش عاجبـاك؟!..طـب خـد دي بقى..وش وش وش وش قام الحاكم قاله : ياعم انت شكـلك كـده لا ليـك في العفـرته ولا حاجة..هات ودنـك بقـى أقـولك أنا باعمـل إيه في الشعـب بتاعي....وش وش وش وش وش قام ابليس قاله : يا راجـل اتّـقي الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 3:54 pm

قبل ما تخطب خللى بالك
الواحد الخاطب احتار مش عارف يرضى خطبته ازاى دى حاجه تجنن اذا غازلتها تبقى خلبوص ومالكش امان واذا ما غازلتهاش تبقى اعمى ومعندكش نظر اذا زرتها كتير تبقى تقيل ولحوح واذا مازرتهاش تبقى مش مهتم بيها ومش بتحبها اذا كنت بتلبس شيك تبقى بتاع مناظر ومقطع السمكة وديلها واذا كنت مش شيك تبقى معفن ومالكش لزوم اذا جبت لها هدايا كتير تبقى بتحاول تشتريها بفلوسك واذا ما جبتش هدايا تبقى بخيل وجلدة اذا غيرت عليها تبقى قفل واذا ما غيرتش عليها يبقى دمك بارد او معندكش دم أصلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:13 pm

دعاء طالب محتاس
_____________________________________ من طلب العلم نام الليالي وسحب البطانية وقال انا مالي اخذ الصفر ولا يبالي فان الصفر من شيم الرجال دخلت الامتحان من غير تحضير فوجدت السؤال الاول عسير والثاني لم اجد له تفسير والثالث كاد منه عقلي ان يطير ودعوت الله ان يقرب ورقة زميلي مني ويبعد عيون المراقبين عني اللهم عليك بدفن الدرجات وحول الصفر الى مئات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:18 pm

دعاء الولاد لما يخطبوا بنت
بناء عل طلب بعض الاعضاء ده دعاء الولاد لما يخطبوا اكيد هتحط على قائمة المطلوبين في المنتديات ياللا الدعاء اهو اللهم اجعل فيها من جمال بنات لبنان نانسي وهيفاء وخفة دم بنات اسكندرية ورقة بنات القاهرة ودلع بنات المنصورة وفلوس بتات شرم والغردقة اللهم ارزقها بأخ في الثانوية العامة مشغول بالدراسة وأم مشغولة بالموضة وأب مشغول بالتجارة يا رب تكون تشتغل عشان أستلف منها وتكون من اللي يفطرون في ستاربكس ويتغدون في شيليز ويا رب تطلع تعرف في الماركات عشان تشتري لي أغلى الماركات ويا رب ما يكون عندها صديقات كثير لا تطلع وحدة من صديقاتها تعرفني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:19 pm

دعاء البنات لما بيتخطبوا
((( اللهم ارزقني برجل من ارقى العائلات و حاصل على اعلى الشهادات ويملك اغلى السيارات و ملايين الدولارات و يتكلم لغات و يهديني بالالماسات و شهر عسل بين القارات و امه و اخته ميتات )))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:22 pm

دعاء الام المصرية
ربنا يبعد عنك الاشرار ...ويجعلك فى كل خطوة دولار ويبعد عنك اولاد الااية...ولا يخيبك خيبة الجنية ويجعل اعملك كلها حسنات...ويكفيكشر شهادة المخالفات ويحوش عنك كل الشرور...ويكفيك شر كمين المرور ويكون لك دايما فى العون...ويكفيك شر فاتورة التليفون ويجعل لك كل الناس حبايب...ويكفيك شر بتوع الضرائب ولا يجعل عيالك محرومة...ولا يخيبك خيبة الحكومة ويجعل اصحابك كلهم اخلاص...ويكفيك شر سواقين الميكروباص ويحميك يبنى من ابليس...ويكفيك شر سواقين الجيش والبوليس وينورلك طريقك بالبركات...ويكفيك شر الحفر والمطبات بدعيلك وبدعى لكل اولادى...يكفيكم شر الركود الاقتصادى ويكتر فى جيوبكم النقدية...ويرحمكم من شر الدروس الخصوصية ولا يحرمكم من اكل الفول......ولا يخرب بيتك بفواتير المحمول قادر يا كريم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:28 pm

نصيحة لكل شاب
من روائع قصص الحب أهدي هذه القصة لكل شخص مقبل على الزواج ...! في قديم الزمان، سأل شاب فتاة: هل تقبلين الزواج بي؟؟؟ قالت: لا! فعاش الشاب حياة سعيدة للأبد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:32 pm

انتى وعريسك
بس الله الرحمن الرحيم تخيلى انك عروسة واقفة على الكوشة وبتبصى لعريسك وهو جاى... وفجاة يتخبط عريسك ويقع ويبصلك بصة قهر ممزوجة بالبؤس.. ايه هتتوقعى يقولهولك اختارى من 1 الى 10 ^^ ^ ^ ^ ^ ^ ^ ^^ رايحة فين اختارى الرقم الاول ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^^ ^ ^ ^ ^ ^ ^^ ^ ^ ها اختارى كويس ^^^ ^^ ^ ^^ ^ ^ ^ ^ ^ ^ ^ طولى بالك ^^ ^ ^ ^ ^ ^ ^ ^ ^ ^ ^ ^ يابنتى اتاكدى ^ ^ ^ ^ ^^ ^ ^ ^^ ^ ^^ ^ ^^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^ ^^ ^ ^^ ^ انا عارفة انك مليتى منى خلاص انزلى مررة وبس ^ ^ ^ ^ ^ ^ ^ ^ ^ ^ ^ ^ ^ ^^ ^ ^ ^ ^ ^ ^ ^ ^ ^ ^ ^ ^ ^^ ^ ^ ^ ^^ ^ 1-حصل خيير 2-من نحاسة وجهك 3-بلاش يتعكر مزاجك الليلة ورانا سهرة.. 4-ماقدرت اقاوم جمالك بصراحة 5-من الاول كدة ..ربنــــــا يستر 6-من عيونك الله يعميك 7-كله من اسلاك التصوير عشان وشك 8-عيون الناس ماتقول خير ياحبيبتى 9-حسابك بعدين 10-كان يوم اسود يوم ما شفتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:37 pm

إزاي تجذب أى بنت ليك؟
إزاي تجذب أى بنت ليك؟ 1 ـ إذا كانت البنت حنونة وعطوفة فاقتل أبويك لكي تصبح يتيما.. وبالتالي تستثير عطفها وحنانها 2 ـ اذا كانت قوية وشرسة فاحضر سلفا عصا قوية وانشره حتى تكاد ان تنكسر اذهب بالعصا المعنية وانتظر امام باب مدرستها حتى موعد خروجها.. أول ما تخرج البنت من باب المدرسة اضرب راسك بالعصا التي تكاد ان تنكسر.. ودعها تنكسر على راسك...واصرخ بصوت عــــالي: انت فين ياااا راااامبو.. انا وراك والزمن طويل 3 ـ اذا كانت البنت مدمنة دراسة.. ذكية فانهال امامها على أخيك الصغير ضربا.. بحجة انه لا يفقه شيئا في معادلة المفاعل الذري ******* كيف تجذب عقل الفتاة؟ 1- ـ إذا كان عقلها من تنك فالحل هو المغناطيس 2- ـ اذا كان عقلها خشب فاعتبر نفسك مسمار.. وحاول ان تثبت فى عقلها ******* كيف تتخلص من فتاة ؟؟؟؟ 1 ـ اذا كانت البنت عنيدة فراهنها على انها ما تقدرش تعيش من غيرك 2 ـ اذا كانت البنت ؟؟؟ عرّفها انك ح تلاقيلها واحد احلى منك يستاهلها 3 ـ اذا كانت البنت مؤدبة جدا ابعدوا عنها احسن عشان كده عيب اوى *******
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:38 pm

عنترة قي الملعب
المخرج : على الهواء ثرى – تو – وان المذيع أبو مفتاح بن الحسن : أهلاً بكم حضرات المشاهدين فى برنامجكم "الكورة فى القبيلة" ونبدأ بفقرة حق الرد ولقاء مع الكابتن عنترة بن شداد رأس حربة و كابتن قبيلة الأهلى والكابتن شيبوب العبسى ونج لفت قبيلة الأهلى وعقبوا فيه على خروج قبيلتهم من بطولتين متتاليين والتى أدت لفرحة غامرة فى باقى القبائل وخاصة قبيلة زملك وقبيلة دروش...... والأن مع الزميلة سماح بنت الملوح الزميلة سماح بنت الملوح: كابتن عنترة ما تعقيبك على خروج قبيلة الأهلى من بطولتين على التوالى خاصة مع الفرحة الشديدة التى عمت القبائل المنافسة؟ الكابتن عنترة بن شداد (يستل سيفه من شورته ويقول بغضب): يعايرنى السفيهُ ببطولةٍ وأنا الذى من كأس ِالبطولةِ أنَ دولابى فانظر لحالِ فريقكَ وابكى ذلها وادفع فلوسَ النورِ أو دبر من الأحبابِ ويا ذا الخطين فلتحفظ عثرتى لتكون ذكرى فيما تلاقى فى الحياة هبابِ سماح بنت الملوح: وكابتن شيبوب ما تعقيبك ؟ الكابتن شيبوب العبسى : هذا فاجعنالوا عين وذاك فاجعنالوا عين واتلم الصفر على بو خطين المذيع أبو مفتاح بن الحسن : وبما اننا فى فقرة حق الرد مكفول للجميع نجرى إتصال تليفونى بالسيد عِبس بن زملك رئيس قبيلة زملك ونرى ما تعقيبه على ما قاله كباتن قبيلة الأهلى سيد عبس بن زملك أأأأأأ ما تعقيبك على ما سمعته من الكابتن عنترة والكابتن شيبوب؟ عبس بن زملك بغضب : ما هذا يا أخ مفتاح أنا رئيس قبيلة زملك المعين ولا أخاطب إلا رئيس قبيلة متلى , وأنا من خلال برنامجك أهنأ شعب زملك الحبيب وأبشره بتعاقدنا مع فارس محترف جديد أشجع, أكحل, أمرد , أشهب سيشيب من إسمه الولدان وتشوى برائحته الخرفان ويهرب من صوته الجدعان , وقد وصلت ناقته بالفعل إلى مطار زملك الدوولى ولكن لسوء الأحوال الجوية لم يستطع الهبوط ونحن فى إنتظار هبوطه فى أى لحظه خلال الست سنوات القادمة...." تيت تيت تيت المذيع أبو مفتاح بن الحسن : يبدو أن الإتصال قد إنقطع نتيجة سوء الأحوال الجوية فى قبيلة زملك , حسناً إستكمالاً لفقرة حق الرد نجرى إتصال أخر بالسيد يحيى بن أبى كوتشينة رئيس قبيلة دروش سيد يحيى بن أبى كوتشينة ما تعقيبك على المداخلات السابقة؟ يحيى بن أبى كوتشينة: لحظة من فضلك وبعد فترة المذيع أبو مفتاح بن الحسن : سيد يحيى هل أنت معى ؟ يحيى بن أبى كوتشينة: نعم لحظة وأكون معك يا برنس يحيى بن أبى كوتشينة: معك يا سيد مفتاح وعذراً لأن الولد كان يشعل لى صباع العسلية الكوبى الفاخر وارد بورسعيد , ماذا كان سؤالك ؟ المذيع أبو مفتاح بن الحسن(شكلك هتخنقنى بعسليتك) : سيد يحيى بن أبى كوتشينة ما تعقيبك على المداخلات السابقة؟ يحيى بن أبى كوتشينة:بالتأكيد قبيلة الأهلى قبيلة كبيرة وهذه المناوشات لن تؤثر أبدا على الصفقات والبيزنس بين القبيلتين.... يا ولد هات العطر يا ولد. المذيع أبو مفتاح بن الحسن : ولكن شعب دروش معترض كثيرا على هذا التعاون وخاصة انك لست من ابناء القبيلة؟ يحيى بن أبى كوتشينة: سيدى أنا رئيس القبيلة المعين وقد أنفقت على القبيلة حتى الأن 12 مليون زباطة ذهبية وقبيلة دروش تشتهر بالفاكهة ولذلك فتجد الكثير منهم فكهانية كلام وأنا أقول لمن يطمع فى منصبى قلت هذا عرشى فمن يأخذُ فهرول الجمع راغبا فقلت من يدفع لى نقودى ففر الجمع هاربا يا ولد هات العطر يا ولد المذيع أبو مفتاح بن الحسن : شكرا سيد يحيى إستكمالاً لفقرة حق الرد نجرى إتصال أخر بالكابتن سيد بن بزوك مدير الكرة فى قبيلة دروش كابتن سيد بن بزوك ما تعقيبك على المداخلات السابقة؟ سيد بن بزوك : أولا انا بشكرك يا كابتن مفتاح انك اهتميت بيه ومحلقتليش زلبطة زى بقيت البرامج واتصلت برئيس القبيلة فقط وان شاء الله لما تزورونى فى القبيلة هاعمل معاك واجب مانجة انما إيه... والله انا مش عارف قبيلة الأهلى عايزه إيه مننا فقد قتلوا أحلامنا و خطفوا شبابنا ورملوا نسائنا وشردوا أطفالنا وشيوخنا وانا من هذا المنبر أحذر الكابتن عنترة العبسى وأقول له نفس التصريح اللى قلته فى برنامج "صباح الخير يا قبيله" "أاااادفع المليون أو 100 ناجة حمرا 4 باى 4 تاخد اللاعب وإلا شكوناكم للفيفا وإن لم تستجب سنرفع الأمر للإتحاد الدوولى" المذيع أبو مفتاح بن الحسن يخفى وجهه وجسده يرتجف من الضحك : ههههههههه إنزل بفاصل يا عمنا وفى الفاصل يعرض المخرج الأهلاوى محمد بن أبى النصر أغنية "يا أهلى يا زينة الوادى" مصحوبا بلقطات لبطولات وأهداف فرسان الأهلى عنترة بن شداد وشيبوب العبسى ومحمد بن أبى تريكة والعماد بن المتعب والمحترف الحبشى أمادو بن أبى فلافيو يا أهلى يا زينة الوادى يا عزى وعز بلادى ما فى غيرك كايدهم بالبطولات وجايدهم ويوم الفاينال سيدهم لما يجونا الليلادى لما يجونا الليلادى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the bird_fly.see



عدد المساهمات : 212
تاريخ التسجيل : 04/05/2009

مُساهمةموضوع: رد: أسئلة و أجوبة مضحكة جدا   الخميس مايو 14, 2009 4:44 pm

البنات والولاد فى الاكل
شوفوا كيف تاكل البنت:: 1- تغسل يدها بصابون لوكس..وتنشف بكلينكس.هذا قبل الأكل طبعاً. 2 -تمشي بخطوات هادىء الى ان تصل لغرفة الطعام. 3- تدفع الكرسي الى الخلف بكل رقه وتجلس عليه بحنان, وإذا كانت الجلسه عربي..جلست على السفره كالحوريه.. يعني تثني رجليها لليسار وكنها بتطيح على جنبها..عاد انتو افهموا. 4- تمسك الملعقة برفق..وتنظر اليها جيدا حتى تتأكد انها..تبرق. 5- تقول بصوت ناعم""بسم الله "" 6- تبدأ بأكل السلطه حتى تفتح شهيتها. 7- تغرف الرز بالملعقه بحيث لايتجاوز عدد الرزات التي إلتقطتها"17"حبة فقط. 8- تمضغ الطعام جيداً بدون إظهار أي صوت. 9- عندما تنتهي من تناول الطعام تضع الملعقة جانباً..وتقول""الحمد لله" 10- تنهض بنفس الهدوء الذي جلست عليه..وتذهب لغسل فمها وتتعطر علشان تروح ريحة الزفره... الاولاد ...:: 1- ينهض من النوم متجهاً الى السفرة مباشره وهو مشمر الذراعين. 2- يجلس على السفره وكأنه يسقط من السماء"""نيزك""". 3- يدخل يده كاملة في طبق الرز تاركاً بين كل أصبع والثاني مسافة 2سم. 4- يخرج يده بعنف من الطبق وكأنه....شيول يغرف بالتراب... 5- يرمي باللقمة الى فمه المفتوح 15سم. 6- يمضغ الرز بطريقة تجعلك تقول.......................... .......وع. .... 7- يأكل السلطة بعدما يقضي على الرز واللحم. 8- ينهض بسرعة الصاروخ وفي يده علبة سفن أب""يا لذيذ يارايق.. 9- يظهر صوتاً بشعاً جداً .............................. وع وع وع وع وع . 10- يمسح يده في ثوبه..مخلفاً ورائه دمار شامل..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أسئلة و أجوبة مضحكة جدا
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدي القاهره إبداع :: قسم النكت والطرائف :: قسم النكت والطرائف-
انتقل الى: